小小天堂 MUNTING PARAISO

 2014 Preliminary 菲律賓文初選 

📜 小小天堂 MUNTING PARAISO

👤 Emily T. Malayas

Ako’y nangibang bansa, para sa aking pamilya
Matandang lalaki, ang aking alaga
Una naming pagkikita, siya ay masigla
Pero amin nalaman, sya ay maysakit pala

Sa unang mga buwan ko dito
Napakagaan ng aking trabaho
Paglilinis ng bahay, pamamalengke kasama ng Amo
At pagluluto ng pagkain naming tatlo

Ang aking alaga, mga anak ay puro babae
Ang pagtrato nila sa akin, ay napakabuti
Mga lumang damit at gamit, sa akin ibinigay
Ako’y natutuwa, kahit sa ganitong bagay

Kahit mahirap, aking titiisin
Kondisyon ng mga Amo, kailangan unawain
Walang day off at bawal makipagkaibigan
Lalo na sa kapwa ko dito na dayuhan

Ang aking alaga, dinaramdam unti – unting lumala
Kaya sa ngayon, sa ospital na kami nakatira
Pagod at puyat ang aking kaharap
Pero aking kakayanin, para sa aming hinaharap

Ako’y laging nagdadasal, alaga ko ay tumagal
At sana humaba pa ang kanyang buhay
Dahil sya ay may asawa, sa bahay naghihintay
At ang aking pangarap, dito nakasalalay

Sa ospital na kung tawagin, aming bagong tahanan
Dahil tumagal kami dito, ng mahigit anim na buwan
Sakit sa ulo, sakit sa ngipin, at sakit ng buong katawan
Dahil sa puyatan na aking kalaban

Alagang sumpungin, ayaw makinig sa aking sasabihin
Kaya kong tiisin, basta walang problema sa pagkain
Dahil iyan ay aking kailangan, para lumakas ang katawan
Para sa aking alaga, trabaho ay magampanan

Minsan na akong sinaktan, ng aking alaga
Ako’y umiyak na lang, sa narinig na hindi magandang salita
Aking sumbong sa Amo, pero parang balewala

Dahil sabi nila, ang kanilang Ama ay kaawa-awa

Wala akong mapagsumbungan, at mapagpahingahan
Dahil ang pakikipagkaibigan, ay higpit akong pinagbabawalan
Kaya salamat sa aking asawa, anak, at pamilya
Na nandiyan palagi, sa aking sumusuporta

Hindi ako nagrereklamo, sa aking kalagayan dito
Pero sana naman, ako’y pagpahingahin ninyo
Anim na buwan, na kami nandito
Pero kahit isang gabi, hindi pa ako nakakatulog na ang oras ay kumpleto

Ipinagdarasal ko na lamang, sana hindi bumagsak ang aking katawan
Dahil aking kalagayan, minsan ay hindi isinaalang-alang
Dagdagan pa ng aking alaga, minsan ako’y sinisigawan
Dahil hindi sya makarinig, kaya nya ako sinusungitan

Dahil sya ay maysakit, pilit kong iniintindi
Kahit masama ang loob, ako’y nagtitimpi
Alang-alang sa pakiusap ng anak na babae
Hanggat makakaya ko, pagbibigyan nalang palagi

Pangungulila sa pamilya, aking tinitiis
Dahil sa nanay konn, hindi nawawalan ng sakit
Kaya ang aking sahod, sa aking palad hindi pa umiinit
Para pambili ng gamot, kaya agad idedeposit

Sa isang hindi inaasahang dahilan
Mahal kong asawa, ngayo’y napilayan
Dahil sa hindi sinasadya, sya ay naaksidente
Wala akong magawa, kundi umiyak sa isang tabi

Kaya ako nandito, gusto ko sya tulungan
Makapagpatayo man lang kami, kahit maliit na tahanan
Hindi habang buhay,sa magulang ay umasa
Sila’y matanda na, tayo naman ang tutulong sa kanila
Asawa, anak, at pamilya, kayo ay miss ko na
Pero kaya kong tiisin, hanggang matapos ang kontrata
Kaya araw-araw, gusto ko kayong tawagan
Kahit boses nyo man, ay aking mapakinggan

Nangibang bansa ako, hindi para yumaman
Gamot ng inay, gusto ko matustusan
Kahit sa ganoong paraan, sya ay matulungan
Dahil ako nalang, ang kanyang maaasahan

Sabi nila ang pangingibang bansa, hindi solusyon sa kahirapan
Pero ito ay makakatulong, sa pang araw-araw na pangangailangan
Kailangan lang gamitin, sa tamang paraan
Upang ang paglayo sa pamilya, ay hindi masayang

Tukso man dumating, huwag ng patulan
Tayo magpakatatag para sa pamilyang naiwan
Tiwala sa isa’t isa, ating panindigan
Para sa pamilyang naghihintay, na ating babalikan

Mahirap makipagsapalaran, lalo na dito sa Taiwan
Dahil magkaiba ang salita, lagi hindi magkaintindihan
Lalo na pag matanda, wika ay kakaiba
Kaya pag sila magsalita, ako’y naka nga-nga

Magkaiba man ang paniniwala, pero nandoon yung respeto
Kailangan lamang ay magpakatotoo tayo
Dahil pag sila ay nawalan ng tiwala sa’yo
Hinding hindi na maibabalik pa ng buo

Sa tatlong taong pagseserbisyo ko dito
Sana pangarap matupad, kahit hindi kumpleto
Kailangan magtipid, huwag sumunod sa uso
Dahil pinaghirapan ay masayang, kung sundin ang luho

Kaya ako sumali sa ganitong paligsahan
Hindi para lang manalo, kundi karanasan maibahagi lamang
Sana makapagbigay inspirasyon, sa ating kababayan
Pahahalagahan ang trabaho, at ng makauwi ng maayos sa ating bansang kinagisnan

Kaya tayong mga dayuhan, saan man sulok ng daigdigan
Hindi man ngayon, bukas o magpakailanman
Hindi mawalan ng pag-asa
Dahil nandiyan ang Panginoon, gumagabay sa lahat ng oras nakaagapay


 2014 Preliminary 菲律賓文初選 

📜 小小天堂 MUNTING PARAISO

👤 Emily T. Malayas

 

為了家庭,離鄉背井
一位老翁,需我照顧
初次見面,精神奕奕
但我知他,身懷疾病

剛到這裡,起初數月
我的工作,十分輕鬆
打掃家裡,市場採買
煮飯燒菜,三人晚餐

我的老翁,視我如親
待人接物,如此善良
舊衣舊物,全數送我
任何物品,我都歡喜

艱難困苦,我皆吞忍
雇主指令,我都接受
沒有休假,禁交朋友
同我族類,尤其忌諱

老翁病情,日趨惡化
迫於現狀,常住病院
疲憊倦怠,徹夜難眠
為了將來,戮力而為

夙夜祈禱,殘燭延續
期盼長者,延年益壽
他有賢妻,在家等待
我的夢想,亦懸翁命

長住病院,以院為家
一住半載,或許更長
頭痛牙痛,全身痠痛
天天熬夜,夜夜難眠

久病易怒,不聽人言
我悉忍受,只求溫飽
我僅需要,強健體魄
照料老翁,我的使命

老翁言詞,刺傷我心
詬罵污辱,只能哭泣
呈報雇主,馬耳東風
雇主只謂:老父堪憐

苦水滿腹,無處可訴
嚴格禁止,結交朋友
感謝家人,老公小孩
鼓勵支持,永遠長存

我的現況,不敢抱怨
僅求讓我,偶爾休息
住在病院,已經半載
沒有一晚,可以安眠

只能祈禱,別被擊倒
我的狀況,不被考慮
外加老翁,不時詈罵
因為耳背,拿我出氣

老翁生病,我能體恤
雖然難忍,還是要忍
老翁女兒,婉言請求
只要我能,一定退讓

加倍思親,強壓鄉愁
因為我母,也常生病
手中薪資,從沒握熱
馬上匯錢,買藥醫病

事故降臨,難以逆料
親愛老公,腳部扭傷
不是故意,皆屬意外
無能為力,遙遙哭泣

我來台灣,因想幫他
只盼能夠,自擁宅第
父母恩惠,不能長依
父母年邁,要靠我們

老公孩子,萬分想念
我須忍耐,直到期滿
每天每天,都想通電
至少能夠,聽到聲音

遠赴他鄉,不求富貴
只想承擔,母親醫療
無論如何,我會盡責
就只有我,她能依靠

人說出國,未必脫貧
至少解決,日常需用
該用則用,當省則省
離鄉背井,不負初衷

面對誘惑,勉力抵制
為了家人,堅強回絕
彼此信任,彼此依靠
親愛家人,仍在等待

切莫冒險,特別在台
語言不通,雞同鴨講
尤其長者,鄉音異樣
他一開口,我便啞然

信仰各異,恭敬尊重
真誠踏實,耐心去做
因為若是,失去信任
破鏡難圓,無法恢復

我在此地,已經三年
只盼心願,圓滿無缺
節儉度日,不追時尚
若隨奢華,收穫東流

話說我來,參加比賽
不只想贏,也想分享
鼓舞鄉親,激勵僑民
堅守崗位,衣錦還鄉

異鄉之人,無論何處
不管今天,或是永遠
切莫喪志,失去希望
因為上帝,時時護佑


適當的分段使它清楚又容易閱讀與了解。表達外勞的心聲。耐心與及在工作上忍耐、會擔心身體不適會影響工作。對雇主和自己家人都有責任,還會鼓勵其他同仁。
(1)May potential ka maging poet and story teller, you expressed yourself well.

(2)Madaling basahin at intindihin. Naipahayag ang tunay na damdamin ng OFW. Pasensiya at pagtitiis sa trabaho, responsable at may pangangambang hindi maitupad ang tungkulin kapag bumigay ang katawan. May pananagutan sa amo at sa sariling pamilya.

Comments are closed.